Niydugo, znaczy 4 grudnio w naszy szkole łodbydzie się srogi FEST, kery mianujymy Dniym Ślonskim. Skuli tego w ramach tego srogiego Festu przewidzieli my pieronowy konkurs!!
Po Piyrsze:
1. Fto miołby chynć, niych uskwarzi richtig fajne ślonske TUSTE (ale musi być dycki ślonske). Musicie tego uskwarzić wele 250 g z roztomajtymi dodatkami:
- ze szpekym
- możno cwiblowy
- z jabonkym
- ze sznitlauchym
- abo wedle swoigo pomysłu
Po wtore:
JURY bydzie to kustować i łocyniać, nojbardzi bydzie dować pozór na:
- Jak wyglondo
- Jak smakuje
- Jak wonio
- Eli konsystyncjo je jak noleży
- No i jak nom to podocie
To, co uwarzicie, prziniyście, proszymy, do warsztatu pomocniczego nr 23 na piyrszym piyntrze do godziny 11.00 we wtorek trzecigo (3) grudnia.
Pamiyntejcie ło tym, cobyście nom na kartkach łopisali, coście dodali do tustego, no i niy zapomnijcie ło Waszych mianach. W tyn som dzionek, my, jury bydymy Wasze specjały kustować i piyknie łocyniać!!!:)
W Dniu Ślonskim (4.12.2013) wyłoniymy tego, kerego tuste nom nojbardzi smakowało i otrzimie dyplom, a nagrody otrzimiecie we dziyń Jasełek! (Tyn, fto wygro, dycki bydzie poinformowany).
Te kere to wymyśloły: J.Neuman , R.Rosol, D.Wojnowska
