Kożdego roku w noszej budzie obchodzony jest Dzin Ślonski. Zaproszomy Wos 5 grudnia cobyście przyleźli do gospody jak piyźnie na cyferblacie 9.50, kaj bydziecie mogli się napapać fest dobrym jodłem (sznita z tustym, kołocz, żur, szałot,) Wszycko to Wom bydom dować gryfne frelki. Bydziecie mogli tyz połoglondać se klamory kerych używali nasze starki i starzyki, łoroz fest stare knipsy. Rechtory niech Wos przykludzają wedle listy. Na 6 lekcyji, czyli jak na cyferblacie Piyźnie 12.35 zaproszomy zaś trójka szkolorzy z kożdej klasy łoroz wszyckich szkolorzy z klasy 2H2, 3H2, 4H1, 4H2, 4T1 z rechtorami na piykno akademio do sali multimedialnej. Pamiętejcie gryfnie wyglądać. Chopcy niech obleką anzugi a dziolchy kecki i biołe bluzki. Zaproszomy!
I.Klębowska, J. Neuman D.Wojnowska, R.Rosol, K.Brol
